Eyvör NCC-IS er hæfnisetur í netöryggi á Íslandi og hluti af evrópsku netöryggisneti á vegum European Cybersecurity Competence Centre (ECCC), stofnað á grundvelli reglugerðar ESB 2021/887. Setrið er samstarfsverkefni innviðaráðuneytisins, Fjarskiptastofu, Rannís, Háskóla Íslands og Háskólans í Reykjavík.
Markmið Eyvarar NCC-IS er að efla netöryggisgetu á landsvísu með því að styrkja rannsóknir, menntun, fræðslu og nýsköpun, auk þess að auðvelda íslenskum aðilum aðgengi að alþjóðlegum samstarfs- og sóknarfærum. Eyvör styður markvisst við fyrirtæki, háskóla, rannsóknasamfélagið og hið opinbera, meðal annars með styrkveitingum til verkefna sem auka hæfni og getu á sviði netöryggis.
Eyvör NCC-IS vinnur að því að efla samtal stjórnvalda og atvinnulífs, styrkja norrænt og evrópskt samstarf og byggja upp öflugt þekkingarsamfélag í netöryggismálum á Íslandi. Fjarskiptastofa leiðir starfsemi Eyvarar NCC-IS og hefur það hlutverk að samhæfa aðgerðir og stuðla að sterkri og sjálfbærri netöryggismenningu, með það að markmiði að íslensk fyrirtæki, háskólar og vísindafólk verði meðal leiðandi aðila á sviði netöryggis.
Verkefnastjóri Eyvarar er Hrannar Ásgrímsson
Hrannar býr yfir 15 ára reynslu af verkefnastjórnun í innlendum og alþjóðlegum fyrirtækjum á borð við Controlant, 1xINTERNET, Creditinfo og LS Retail.
Hann er með meistaragráðu í verkefnastjórnun frá Háskólanum í Reykjavík og hefur leitt fjölmörg krefjandi verkefni á sviði upplýsingatækni, fjármála og fjarskipta.
Stjórn Eyvarar NCC-IS, skipuð til tveggja ára, er eftirfarandi:
- Hrafnkell V. Gíslason, forstjóri Fjarskiptastofu (formaður)
- Aðalsteinn Þorsteinsson, skrifstofustjóri í innviðaráðuneytinu
- Bryndís Björk Ásgeirsdóttir, forseti samfélagssviðs HR
- Sigurður Magnús Garðarsson, forseti verkfræði- og náttúruvísindasviðs HÍ
- Svandís Unnur Sigurðardóttir, teymisstjóri rannsókna- og nýsköpunarsviðs Rannís
Stýrihópur
Hópur aðila frá öllum samstarfsaðilunum. Stýrihópurinn fundar einu sinni á mánuði til að ræða verkefni sem eru í vinnslu innan í Eyvör NCC-IS. Haldnar eru fundargerðir eftir hvern fund og samþykktar af fundarmönnum. Staða á verkefnum og styrktarbeiðnir eru teknar fyrir á fundum stýrihópsins.
Fagráð
Fagráð Eyvarar er ráðgefandi teymi varðandi t.d. styrkveitingar.
Fagráðið Eyvarar er skipað af eftirfarandi aðilum:
- Ásgeir Geirsson, Öryggisstjóri Seðlabanka Íslands, formaður fagráðs
- Gunnar A. Ólafsson, Sérfræðingur og ráðgjafi
- Alma Tryggvadóttir, Cyber Lead hjá Deloitte
- Eiður Örn Gunnarsson, sérfræðingur hjá CCDCOE í Tallin
- Gyða Bjarkardóttir, Sérfræðingur
- Guðrún Margrét Ívansdóttir, netöryggissérfræðingur hjá CERT-IS